Abadiño
Durangaldeko eraketaren erdigunea da Abadiño. Gerediagako Foru Zelaiak, Muntsaratz Dorretxeak eta Astolako etxeak ezinbesteko garrantzia izan zuten eskualdearen sorreran eta legegintzan, Durangoko Merinaldearekin lotuta egon da beti.
Amorebieta-Etxano
Durangaldeko hiririk zabalena da lurrazalez Amorebieta-Etxano. Eguneroko herri giro bizia dauka, kulturaz gainezka egiten dute bere kaleek.
Atxondo
Durangaldeko mitologiaren iturburua da. Atxondoko bailara kondairaz beteta dago, eta Arrazolako ikuspegiak ezinbesteko geldialdi dira.
Berriz
Aldapa malkartsu batek jasotzen du bisitaria Berrizera heltzen denean. Mendizale ez den harek ere aldapan gora eta behera egin beharko du herri xarmagarri hau ezagutzeko.
Durango
Durangoko Alde Zahar bizian giro ezinhobea aurkituko duzu pintxo batzuk jan eta gure gastronomia dastatzeko. Kulturaren erdigune ere bada, askotariko ekitaldiz eta ekintzez beteak daude beti Durangoko asteburuak. Zatoz Durangoko giroaz gozatzera!
Elorrio
Bizirik dago Elorrioko herriko giroa, gastronomia dastatzeko aukera ezberdinez gain, kultura egitarau aberatsa eskaintzen du urte osoan.
Ermua
Ermua Durangaldeko herria da antzinatik baina harreman handia dauka Gipuzkoarekin. Urko eta Ureta mendien arteko tartetxoan, ahal zuen bezala hazi den herria da. Industriagune garrantzitsua izanik, beti jakin izan du etorri berriei leku bat egiten. Jai eta kultur ekitaldi ugari eskaintzen du Ermuak urte osoan.
Garai
Bere kokapen bereziari esker, Oiz mendiaren magalean, eskualdeko ikuspegi txundigarriez goza dezakezu bere atsedenguneetan geldialdi bat eginez.
Iurreta
Tradizioz betetako herria dugu Iurreta. Baserri kultura aberatsa du eta nabarmentzekoa da herritarren elkarlana.
Izurtza
Durangaldeko udalerri txikiena da Izurtza. Urkiolako Natur Parkearen sarreratik gertu dago, Mugarra eta Untzillatx mendnien magalean, Mañaria errekaren ibaiertzean.
Mallabia
Mallabia herri txiki handi bat da. Txikia da, biztanlez, mila lagun inguru dituelako. Baina handia ere bada nortasun propioa duten hainbat auzo dituelako bere lurretan sakabanatuta. Sei industriagune ere baditu, inguruko landa eremuarekin kontrastea eginez.
Mañaria
Urkiola Natur Parkeko atea da Mañaria. Baserri lurrak dira Mañariakoak, eta ezagunak dira bere hainbat mendi ibilbideetan aurki ditzakegun baselizak.
Zaldibar
Muino txikiz inguratuta, gaur egun bere industria ehunaz eta ondare historikoaz harro dagoen herria da Zaldibar.
